اسلام آباد ۔ 16 دسمبر (اے پی پی) وزیراعظم عمران خان سانحہ آرمی پبلک سکول دی چوتھی برسی دے موقع تے اتوار کوں اپنڑے ہک خصوصی پیغام اچ ایں عزم دا اعادہ کیتے جو حکومت پاکستان کوں ہک ایجھی ریاست بنڑیسون جتھاں مذہبی ، لسانی ، ذات برادری اتے رنگ تے نسل دی بنیاد تے فرقہ پرستی، انتہا پسندی اتے تشدد ی کوئی گنجائش کائناں ہوسی ۔ انہاں آکھیے جو تعلیم ہک ایجھا ہتھیار ہے جیندے نال انتہا پسندی اتے دہشتگردی کوں مستقل طور تے مکایا ونج جا سگدے ۔وزیراعظم ہاﺅس ولوں جاری بیان اچ وزیراعظم عمران خان آکھیے جو 16 دسمبرکو ںمعصو م جاناں دی شہادت دے دلخراش واقعے جتھاں پوری قوم کوںڈکھ اچ مبتلا کیتا اتھاں قوم اچ دہشت گردی دے خلاف یکجہتی اتے وحدت کوں جنم ڈتے۔انہاں آکھیے جواساڈی بہادر فوج اتے قنون نافذ کرنڑ آلے اداریاں دہشت گردی دے خلاف آپریشن ضرب عضب اتے ردالفساد دے ذریعے اوہ فیصلہ کن معرکہ سر انجام ڈتے جیند ی مثال نی ملدی۔انہاں آکھیا جو اج دے ڈینھ ’اے پی ایس‘دے معصوم شہیداں کوں خراجِ تحسین پیش کرنڑ دے نال نال انہاں بالاں دے ڈکھی ماں پیو نال دِلی ہمدردی دا اظہار کرینداں ،جنہاں دے دل دے ٹوٹے شہید تھی تے گھراں کوں ولے۔وزیراعظم آکھیا جوپوری قوم انہاں دے ڈکھ اچ برابر دی شریک ہے۔انہاں آکھیا جومعصوم جاناں اپنڑے بے گناہ جاناں دا نظرانہ ڈے تے قوم کو ںہمیشہ سانگے ہک ایجھا سفاک دشمن دے خلاف ہک مٹھ کر ڈتے جیرھا جو انسانیت دے ناں تے دھبہ اتے حیوانیت دی بدترین مثال ہے۔انہاں آکھیا جو سانحہ اے پی ایس پشاور اچ وچھڑن آلیاں دی یاد ہمیشہ موجود راہسی۔وزیراعظم آکھیا جو پاکستانی قوم دہشت گردی دے خلاف جنگ اچ اوہ قیمت ڈتی ہے جیندا کوئی اندازہ نی لاتا ونج جا سگدا۔ ہزاراں جاناں دی قربانی ڈیونڑ اتے بے انتہا معاشی نقصان چاونڑ دے باوجود اگر اج وی کوئی پاکستان تے الزام لیندے یا اساکوں کہیں صورت اچ الزام اچ شامل کریندے تاں ایہ واضح کرڈیونڑ چاہیدے جو دنیا دی ایںجنگ دی سبھ توں وڈی قیمت اساڈی فوج، سپاہیاں، نہتے شہریاں اتے معصوم جاناں اادا کیتے۔ انہاں آکھیا جومیں ایہ واضح کرڈیونڑ چاہنداں جو بے انتہاءنقصان دے باوجود اساں ہک قوم دی حیثیت نال ملکی، علاقائی اتے عالمی امن سانگے پرعزم ہسے۔وزیراعظم آکھیا جواپنڑے شہیداں کوں خراجِ تحسین پیش کرنڑ دا سبھ توں بہترین طریقہ ایں مقصد سانگے پرعزم رہونڑ ہے جیرھا عظیم مقصد سانگے انہاں اپنڑیں جاناں قربان کیتیاں۔
