اسلام آباد ۔15دسمبر(اے پی پی)وزیر اعظم عمران خان کیچ( بلوچستان) دے علاقے اچ سکیورٹی فورسز دے قافلے تے حملے دی شدید مذمت کیتی ہے جڈاں جو شہید اہلکاراں دے درجات دی بلندی سانگے دعا اتے ڈکھی خانداناں نال ہمدردی دا اظہار کیتے ۔ وزیراعظم میڈیا آفس توںجاری بیان مطابق وزیراعظم عمران خان گزریل شام کیچ حملے اچ زخمی تھیونڑآلے اہلکاراں دی وختی صحت یابی دی دعا کیتی۔ وزیراعظم آکھیے جو دشمن دیاں بزدلانہ کارروائیاں کہیں صورت وی اساڈے جواناں دے حوصلے گھٹ کائناں کر سگسن۔انہاں آکھیے جودہشت گرد عناصردا چھیکڑی حد تئیں پیچھا کریسوں۔
