اسلام آباد ۔ 11 دسمبر (اے پی پی) وزیر خارجہ شاہ محمود قریشی نال پاکستان اچ فرانس دے سفیر مارک بیرٹی ’ منگل کوں وزارت خارجہ اچ ملاقات کیتی۔دفتر خارجہ دے ترجمان دے مطابق گالھ مہاڑ اچ تجارت اتے معیشت سمیت مختلف شعبیاں اچ ڈو پاسہ تعاون ودھاونڑ تے گالھ مہاڑ کیتی گئی ۔وزیرخارجہ ایں موقع تے فرانسیسی سرمایہ کاراں کوں پاکستان اچ سرمایہ کاری دی دعوت ڈیندیں ہوئیں آکھیا جو پاکستان اچ سرمایہ کاری اتے کاربار دے بہوں پرکشش موقع ہن اتے فرانسیسی سرمایہ کار،پاکستان اچ سرمایہ کاری نال اساڈی حکومت دی کاروبار دوست پالیسیاں توں فائدہ چا سگدن۔فرانس دے سفیر ڈو پاسہ آپسی دلچسپی دے شعبیاں اچ تعاون ودھاونڑ دا یقین ڈوایا۔
