اسلام آباد ۔ 24 دسمبر (اے پی پی) وزیر خارجہ مخدوم شاہ محمود قریشی چار ملکی دورے دا پہلا مرحلہ کامیابی نال مکمل کرنڑ دے بعد افغانستان توں ایران روانہ تھی گن ،وزیر خارجہ اپنڑے دورے دے ڈوجھے مرحلے اچ تہران اچ اعلیٰ ایرانی قیادت نال اہم ملاقاتاں کریسن ۔ایندے توں پہلے او اپنڑے چار ملکاں دے دورے دے پہلے مرحلے اچ سنوار دی سویل کابل پجے ہن ۔دفتر خارجہ دے مطابق وزیر خارجہ افغان صدر اشرف غنی نال ملاقات کیتی ،ملاقات اچ سانجھی دلچسپی دے ڈو پاسے امور تے علاقائی تے عالمی صورت حال تے گال مہاڑ کیتی گی ۔ سیکرٹری خارجہ تہمینہ جنجوعہ اتے وزارت خارجہ دے اعلیٰ حکام وی وزیر خارجہ دے رلے ہن۔ایندے علاوہ وزیر خارجہ اپنڑے افغان ہم منصب صلاح الدین ربانی نال وفد دی سطح تے مذاکرات کیتے ۔مذاکرارت اچ فریقین سانجھی دلچسپی دے امور، افغانستان دی ترقی اتے خوشحالی، افغانستان اچ امن و امان دی صورتحال اتے مذاکراتی عمل سمیت ڈوہیں ملکاں دے تجارتی تے اقتصادی رابطے کوں ودھاونڑ تے گال کیتی ۔ وزیر خارجہ دے افغانستان، ایران، چین اتے روس دے ترائے ڈینھ دے دورے دا مقصد انہاں ملکاں دی اعلیٰ قیادت دے نال پاکستان دے سانجھے تعلقات تے تبادلہ خیال کرنڑاں اے تاں جو مختلف شعبیں اچ ڈو پاسے تعاون کوں مزید مستحکم کیتا ونج سگے ۔
