وزیر مملکت داخلہ شہریار آفریدی دا ترلائی اچ بے گھر لوکاں سانگے نویں سہولت سنٹر دا دورہ

اسلام آباد ۔ 15 دسمبر (اے پی پی) وزیر مملکت برائے داخلہ شہریار آفریدی ترلائی اچ بے گھر لوکیں سانگے نویں سہولت سنٹر دا دورہ کیتے۔ چیف کمشنر عامر علی احمد اتے اے ڈی سی جی کیپٹن شعیب علی وزیر مملکت داخلہ کوں بریفنگ ڈتی۔ایں موقع تے وزیر مملکت داخلہ شہر یار آفریدی آکھیا جو آندے کجھ ڈینھاں اچ وزیراعظم عمران خان وفاقی دارلحکومت اسلام آباد اچ بے گھر لوکیں سانگے پناہ گاہ دا افتتاح کر سگدن۔ بریفنگ دوران عامر علی احمد انہاں کوں ڈسایا جوپناہ گاہ اچ 104 مرد اتے 40 تریمتیں دے رہونڑ دا انتظام ہے، نویں فیسیلی ٹیشن سینٹر اچ ریونیو سمیت بی سہولتاںدا انتظام کیتا گئے۔کیپٹن شعیب ڈسایا جو وزیراعظم عمران خان دے وژن مطابق بے گھر لوکیں دی عزت نفس کوں ڈیکھدے ہوئیں پناہ گاہ بنڑائی گی ہے،پناہ گاہ اچ بے گھر لوکیں کوں 3ٹائم دی روٹی، رہائش، گرم بستر ا اتے تحفظ ڈتا ویسی۔