اسلام آباد ۔ 18 دسمبر (اے پی پی) وفاقی وزیر اطلاعات تے نشریات چوہدری فواد حسین فلم اتے ٹی وی دے نامور فنکار علی اعجاز دے انتقال تے ودھ سارے ڈکھ دا اظہار کیتے ۔ منگل کو ں تعزیتی بیان اچ وفاقی وزیر آکھیا جو ا ج پاکستان ہک ورسٹائل فنکار توں محروم تھی گئے ، فن دی دنیا اچ انہاں دی کمی ہمیشہ محسوس تھیسی۔ انہاں آکھیا جو علی اعجاز باصلاحیت فنکار ہن جنہاں مزاحیہ اتے سنجیدہ کردار چنگے طریقے نال ادا کیتے ۔ وزیر اطلاعات آکھیا جو انہاں مزاق کوں ہک نواں رنگ ڈتا،جڈاںٹریجڈی کردار کیتے تاں لوک کئی سال گزرنڑ دے بعد لوک انہاں کوں کائنی بھل سگیے ۔ وزیر اطلاعات چوہدری فواد حسین دعا کیتی جو اللہ سئیں مرحوم کوں اپنڑے جوار رحمت اچ جاہ ڈیوے اتے انہاں دے خاندان کوں صبر ڈیوے۔
