حکومت انسانی حقوق دی بالادستی اتے معاشرے دے سارے طبقات کوں انہاں دے حقوق ڈیونڑ سانگے پرعزم اے،اسلام آباد اچ ٹرانس جینڈر دی تعلیم،پیشہ وارانہ تربیت اتے روزگار دے موقع سمیت شیلٹر ہومز بنڑاونڑ تے غور کریندے پئیوں ،وفاقی وزیر انسانی حقوق ڈاکٹر شیریں مزاری دا پمز ہسپتال اچ ٹرانس جینڈر کمیونٹی سانگے بنڑے انج شعبہ دی افتتاحی تقریب توں خطاب
اسلام آباد ۔ یکم دسمبر (اے پی پی) وفاقی وزیر انسانی حقوق ڈاکٹر شیریں مزاری آکھیا جو حکومت انسانی حقوق دی بالادستی اتے معاشرے دے سارے طبقات کوں انہاں دے حقوق ڈیونڑ سانگے پرعزم اے،اسلام آباد اچ ٹرانس جینڈر دی تعلیم،پیشہ وارانہ تربیت اتے روزگار دے موقع سمیت شیلٹر ہومز بنڑاونڑ تے غور کریندے پئیوں۔اے گالھیں انہاں ہفتہ کوں پمز ہسپتال اچ ٹرانس جینڈر کمیونٹی سانگے بنڑے انج شعبہ دی افتتاحی تقریب توں خطاب کریندیں ہوئیں آکھی۔ایں موقع تے وفاقی وزیر عامر محمود کیانی، پارلیمانی سیکرٹری ڈاکٹر نوشین حامد، پمز ہسپتال دے ایگزیکٹو ڈائریکٹر ڈاکٹر راجہ امجد محمود دے رلے انہاں ٹرانس جینڈرسانگے انج شعبہ، کارڈیالوجی ایمرجنسی اتے سرجیکل وارڈ 2 اتے 3 توں انج جدید صفائی نظام دا وی افتتاح کیتا۔
