وفاقی وزیر صحت عامر محمود کیانی دا نیشنل ہیلتھ پروگرام فیز2دی بڈنگ دی تقریب نال خطاب

APP18-08 ISLAMABAD: December 08 – Federal Minister for National Health Services, Regulation And Coordination, Aamer Mehmood Kiani addressing a financial bid opening of Health Card Phase- 2 Scheme in the presence of media. APP

اسلام آباد ۔ 8 دسمبر (اے پی پی) وفاقی وزیر صحت عامر محمود کیانی آکھیے جو وزیر اعظم پاکستان عمران خان دی خواہش تے وزارت قومی ہیلتھ سروسز ، ریگولیشنز اینڈ کوآرڈینشن صحت کارڈز دے دائرہ کاراچ ودھارا کر ڈتے جیندے تحت انہاں کارڈز دے ذریعے غربت دی لکیر توں تلے زندگی گزارن آلیاں کوں طبی نگہداشت دے غیر معمولی خرچ توں مالیاتی تحفظ فراہم کیتا ویسی ۔ وفاقی وزیر ا یہ گالھ نیشنل ہیلتھ پروگرام فیز2دی بڈنگ دی تقریب نال خطاب کریندے ہوئیں آکھی۔ انہاں آکھیا جو صحت کارڈ دے ذریعے غریب اتے مستحق شہریاں کو ںان ڈور صحت دیاں خدمات تئیں رسائی ڈتی ویسی اتے اوہ 7 لکھ 20 ہزار روپے تئیں دا علاج کرا سگسن ،ا یہ علاج اوہ اپنڑین پسند دے کہیں وی سرکاری یا نجی ہسپتال توں چنگا طریقے نال کرواسگسن ۔ایںسکیم اچ میڈیکل اتے سرجری دی کئی ان ڈور سہولتان دی فراہمی وی شامل ہیں ۔ صحت کارڈ سکیم اچ دل دت آپریشناں، سٹنٹس ، کیمو تھراپی ، ریڈیوتھراپی ، ڈائیلالائسیز ، میٹرینٹی اتے بئی میڈیکل تے سرجیکل خدمات شامل ہن۔وفاقی وزیر آکھیا جوایں مقصد سانگے وزارت انشورنس کمپنی دی خدمات حاصل کرنڑ سانگے خریداری داعمل شروع کر ڈتے اتے ہائر کیتی گئی کمپنی آندے3 سالاں اچ صحت سکیم کارڈز تے عمل درآمد کریسی ۔ سکیم تے عمل درآمد نال کل 14ملین خانداناں یعنی تقریباً 8کروڑ لوکاں دا اندراج ہو سی۔وفاقی وزیر آکھیا جو صحت دے شعبہ اچ چنگائی سانگے ڈینھ رات کم کریندے پئے ہسے،عوام جیرھی ذمہ داری اساڈے مونڈھیاں تے پاتی ہے انشااللہ اساںعوام دی توقعات تے پور الاہسوں اتے ہک سال دے اندر صحت دے شعبہ اچ وڈی تبدیلی نظر سی ۔انہاں آکھیا جواساڈی حکومت صحت دے شعبہ تے خصوصی توجہ ڈیندی پی ہے۔دریں اثناءترجمان وزارت قومی صحت آکھیا جو سٹیٹ لائف انشورنس آف پاکستان مقابلے دے بعد ہیلتھ کارڈ دا کنٹریکٹ حاصل کرنڑ اچ کامیاب قرار پاتے۔