اسلام آباد ۔ 26 دسمبر (اے پی پی) وفاقی وزیر منصوبہ بندی ترقی و اصلاحات اتے شماریات مخدوم خسرو بختیار آکھیے جو پاکستان کوں بین الاقوامی سطح تے مقابلہ کرنڑ کیتے زرعی معیشت کوں جدید ٹیکنالوجی تے علمی معیشت اچ بدالنڑ دی ضرورت اے ۔وزارت منصوبہ بندی ترقی و اصلاحات اچ وفاقی وزیر منصوبہ بندی ترقی و اصلاحات مخدوم خسرو بختیار بدھ دے ڈینھ سابقہ وفاقی وزیر سائنس اینڈ ٹیکنالوجی اتے سابقہ چئیرمین ایچ ای سی ڈاکٹر عطا الرحمان نال ملاقات کیتی، ملاقات اچ سیکرٹری منصوبہ بندی ظفر حسن اتے وزارت دے اعلی حکام وی شرکت کیتی ۔ ملاقات اچ ڈاکٹر عطاالرحمان وفاقی وزیر مخدوم خسرو بختیار کوں مجوزہ قومی ٹاسک فورس ” ٹیکنالوجی اتے علم تے مبنی معیشت دے حوالے نال بریفنگ ڈتی۔ وفاقی وزیر مخدوم خسرو بختیار آکھیا جو معاشرے دی ترقی اتے بہتری کیتے سائنس اینڈ ٹیکنالوجی کوں ودھارا ڈیونڑ ضروری اے جیں نال نویں تے تخلیقی حل میسر ہوسن ۔
