اسلام آباد ۔ 25 دسمبر (اے پی پی) وفاقی وزیر مذہبی امور نورالحق قادری منگل کوں سپیکر قومی اسمبلی اسد قیصر نال ملاقات کیتی ۔ملاقات دوران پارلیمانی امور سمیت اہم ایشوز توں متعلق تفصیلی تبادلہ خیال کیتا گیا۔ایںموقع تے سپیکر قومی اسمبلی آکھیا جو مدینے دی ریاست دا مقصد ہی ملک تے قوم دی بقاءہے ، قنون سازی کریندے ہوئیں اسلامی شعار اتے اقدار دا خیال رکھنڑ پہلی ترجیح ہے،حج تے عمرہ دی سعادت حاصل کرنڑ آلے زائرین کوں ودھ توں ودھ سہولتاں ڈتیاں ونجنڑ، حجاز مقدس اچ زائرین دی رہائش اتے مناسک حج دوران سعودی حکام نال گالھ بات کیتی ونجا۔انہاں آکھیا جو مذہبی رواداری اتے بئے مذہب دا احترام کرنڑاسلام دا اہم جزو ہے۔وفاقی وزیر مذہبی امور سپیکر کوں حج تے عمرہ دے حوالے نال کیتے گئے ضروری اقدامات بارے ڈسایا۔ وزیر مذہبی امور آکھیا جو سعودی حکام پاکستانیاں کوں حرمین شریفین اچ خصوصی رعایت ڈیونڑ سانگے پر عزم ہن۔علماءاتے مشائخ پاکستان کو ںمدینے دی ریاست اچ بدلن سانگے اپنڑاں کردار ادا کرن۔وفاقی وزیر مذہبی امور نور الحق قادری اسپیکر قومی اسمبلی کوں قنون سازی دے عمل اچ ہر ممکن تعاون کرنڑ دی یقین دہانی کروائی۔انہاں آکھیا جو پارلیمنٹ اچ ماحول کوںسازگار بناونڑ اچ تساڈیاں کوششاںتعریف دے قابل ہن ۔
