اسلام آباد ۔ 6 دسمبر (اے پی پی) پاکستان تے سعودی عرب حج 2019ءسانگے معاہدے تے اتوار کوں دستخط کریسن ۔پاکستانی وفد دی قیادت وفاقی وزیر مذہبی امور ڈاکٹر نور الحق قادری کریسن۔ وزارت مذہبی امور دے ذرائع مطابق پاکستانی وفد عازمینِ حج کوں ویزیں دے اجرا کیتے سعودی وزارتِ حج و عمرہ جڈاں جو مشاعر مقدسہ یعنی منیٰ ، عرفات دے مکاتب دے حصول سانگے جنوب ایشیا نال معاہدہ کریسی ۔ مدینہ منورہ دی زیارت تے بیاں سہولتاں دی فراہمی کیتے موسسہ ادلہ اہلیہ نال معاہدہ کیتا ویسی ۔ 9 دسمبر کوں تھیونڑ آلے انہاں معاہدیں توں پہلے پاکستانی وفد دفتر امور حجاج پاکستان دا وی دورہ کریسی تے حج 2019ءمتعلق جاری انتظامات دا جائزہ گھدا ویسی ۔ ذرائع واضح کیتے جو وفاقی وزیر مذہبی امور پیر نور الحق قادری دی ہدایت تے پورے ملک اچ تھیونڑ آلی حج مشاورتی ورکشاپس توں ملنڑ آلیاں تجویزاں تے صلاح دی روشنی اچ حج 2019ءدے انتظامات دی بھرپور تیاری جاری اے۔
