پاکستان تے چین دا ماحولیات دی ترقی کیتی گانڈھاو دھاونڑکیتے ایم او یو طے پا گیا ، وزیراعظم دے مشیر موسمیاتی تبدیلی ملک امین اسلم دی چینی سفیر رلے پریس کانفرنس

APP17-17 ISLAMABAD: December 17 - Advisor to Prime Minister on Climate Change Malik Amin Aslam along with Ambassador of China Mr. Yao Jing addressing Joint Press Conference in Ministry of Climate Change. APP photo by Javed Qureshi

اسلام آباد ۔ 17 دسمبر (اے پی پی) پاکستان ات ے چین ماحولیات دے شعبے دی ترقی کیتے سانجھا تعاون ودھاونڑ دا فیصلہ کیتے ،جیندے کیتے وزارت موسمیاتی تبدیلی پاکستان اتے نیشنل فارسٹری و گراس لینڈ ایڈمنسٹریشن چین وچال مفاہمت دا سمجھوتہ تھی گے ۔ وزیر اعظم دے مشیر موسمیاتی تبدیلی ملک امین اسلم اتے پاکستان اچ چین دے سفیر یاﺅ جنگ سنوار کوں اتھاں وزارت موسمیاتی تبدیلی اچ ایم او یو تے دستخط کیتے۔ مفاہمت دی یادداشت ڈاہ نکتے تے شامل اے جیں اچ جنگلات کوں محفوظ بنڑاونڑ، جنگلی حیات دے تحفظ، موسمیاتی تبدیلی دے جنگلات تے منفی اثرات ، آبی وسائل دا بہتر استعمال، خراب زمین دی بحالی، جنگلات اتے ماحولیات متعلق ریسرچ اتے بئے امور تے سانجھے تعاون دا ودھارا شامل اے ۔ایں موقع تے وزیر اعظم دے مشیر موسمیاتی تبدیلی ملک امین اسلم اتے چینی سفیر پریس کانفرنس اچ سمجھوتے دا مقصد تے جنگلات دے شعبے اچ ڈو پاسے تعاون دے امکان بارے ڈسیا ۔ ملک امین اسلم آکھیا جو چین موسمیاتی تبدیلی دے حوالے نال 24 ویں پارٹیز آف کانفرنس اچ ودھ چڑھ تے حصہ گھدے تے ایکو سولائزیشن دا رستہ اختیار کیتے ۔ انہاں آکھیا چین ماحولیات دے شعبے اچ شاندار ترقی کیتی اے تے 2009 دے بعد توں 5 لکھ مربع کلومیٹر رقبے تے جنگلات لاتن جیں نال انہاں دے جنگلات اچ 12 توں 18 فیصد ودھار تھے۔