مکہ مکرمہ ۔ 14 دسمبر (اے پی پی) صدر مملکت ڈاکٹر عارف علوی آکھیے جو پاکستان غیر ملکی سرمایہ کاراں کوں کتوجہ کرنڑ کیتے پاکستان اچ موثر سرمایہ کاری نظام ڈیندا پئے تاں جو ون ونڈودی شکل اچ طویل اتے وکھے نظام کوں سرمایہ کاراںدی سہولت کیتے بیا سوکھا کیتا ونج سگے،پاکستان کوں سعودی عرب اچ تربیت یافتہ افراد دی ودھدی طلب توں فیدہ چاونڑا چاہیدے،سعودی عرب راہنر آلے پاکستانی زر مبادلہ بنکاں دے ذیعے پاکستان بھیجن۔ اے گالھ انہاں مکہ مکرمہ اچ پاکستانی برادری دے وفد نال ہک ملاقا اچ آکھی۔وفد اچ میڈیا،تعمیراتی شعبے، بینکنگ، مزدور طبقہ، فنانس اتے اکاو¿نٹنگ سیکٹر ، ڈاکٹرز اتے تدریسی شعبہ دے نمائندے شامل ہن۔ صدر پاکستانی معیشت اچ بیرون ملک پاکستانی برادری دے کردار دی تعریف کریندے آکھیا جو او قیمتی زر مبادلہ بھیج تے ملک دی خدمت کریندن، کوشش کرو جو اپنڑی محنت دا پیسہ بنکاں دے ذریعے پاکستان بھیجو تاں جو اے کمائی پاکستان دی معیشت اچ ترقی دا حصہ بنر سگے۔ انہاں پاک سعودیہ تعلقات دی نوعیت تے وی اطمینان کیتا۔ انہاں آکھیا جو سعودی عرب دیاں مارکیٹاں اچ غیر تربیت یافتہ دی بجائے ہنر مند لوکاں دی طلب ودھدی پئی اے، ساکوں ایندے توں فیدہ چاونڑا چاہیدے،بیرون ملک پاکستانیاں کوں ترقیاتی عمل اچ رلایا ویسی۔صدر مملکت یقین ڈیوایا جو پاکستان دی بیرون ملک مقیم برادری دے مسلے فوری حل کراونڑ دی کوشش کریسن۔
