پہلے مرحلے اچ جنوبی پنجاب صوبہ سیکرٹریٹ بنڑایا ویسی،ملک عامرڈوگر

اسلام آباد۔20 دسمبر(اے پی پی )تحریک انصاف دے رکن عامر ڈوگرآکھیے جو پہلے مرحلے اچ جنوبی پنجاب صوبہ سیکرٹریٹ بنڑایا ویسی،ن لیگ بہاولپور اتے جنوبی پنجاب ڈوہاں دے حق اچ قرارداد منظور کیتی بھل ڈاہ سال اچ صوبہ نئیں بنڑایا، اج پوائنٹ سکورنگ کریندے پین، جیکر اپوزیشن سنجیدہ اے تاں قانون سازی اچ ہتھ ونڈاوے۔ قومی اسمبلی اجلاس اچ الویندے ہوئیں انہاں دا آکھنڑ ہا جو جنوبی پنجاب صوبہ جرور بنڑسی بھل ایں توں پہلے جنوبی پنجاب صوبہ کیتے ملتان اچ انجھ سیکرٹریٹ بنڑایا ویسی۔انہاں آکھیا جو اپوزیشن توں پُچھو جو ڈاہ سال تئیں صوبہ کیوں نئیں بنڑایا؟اج اے نمبر بنڑاونڑ دے چکر اچ ہین،انہاں کوں وی پتا ہے جو پرائیویٹ بل نال صوبے نئیں بنڑدے،ایندے کیتے ڈو ترہائی اکثریت دی لوڑھ اے،جیکر اپوزیشن اتنی سنجیدہ ہے تاں ول ساڈے نال رل تے ایندے کیتے قانون سازی کرنڑ اچ ہتھ ونڈاوے۔