پی ٹی اے ڈی آئی آر بی ایس دے تحت چالہی کروڑ موبائل فونز آئی ایم ای آئی نمبردے تحت رجسٹرڈ کرگھدن

اسلام آباد ۔ 10 دسمبر (اے پی پی)پاکستان ٹیلی کمیونیکیشن اتھارٹی (پی ٹی اے) غیر قانونی اتے ٹیکسز ڈتے بغیر موبائل فون دی درآمدروکنڑ کیتے لائے گئے سسٹم ڈیوائس ایڈینٹی فیکیشن رجسٹریشن اینڈ بلاکنگ سسٹم (ڈی آئی آر بی ایس) دے تحت چالہی کروڑ موبائل فونزآئی ایم ای آئی نمبر دے تحت رجسٹرڈ کرگھدن۔ پاکستان اچ گذریل چار سال توں صارفین دے زیر استعمال موبائل فونز دا ڈیٹا شامل کیتا گئے۔ڈی آئی آر بی ایس نال غیر قانونی طور تے پاکستان اچ موبائل فون روکنڑ اچ مدد ملسی اتے پاکستان کوں نویں سسٹم دے تحت سالانہ ڈیڈھ ارب ڈالر قومی خزانے کیتے ودھ ملسی۔سسٹم دے تحت آونڑ آلا ہر موبائل فون سیٹ آئی ایم ای آئی نمبر رجسٹرڈ کرنڑ توں بعد کارآمد ثابت تھیسی۔بغیر رجسٹریشن کہیں موبائل فون کمپنی دی سم قابل استعمال نہ ہوسی۔پی ٹی اے دے مطابق یکم جنوری تئیں جیہڑے فون رجسٹریشن دے بغیر موبائل کمپنیاں دے نیٹ ورک تے فعال ہیںانہاں کوں رجسٹرڈ کرگھدا ویسی، یکم جنوری توں بعد لیا کوئی فون جیندا آئی ایم ای آئی نمبر رجسٹرڈ نہ ہوسی نیٹ ورک تے کم نہ کریسی۔