ریاض ۔ 19 دسمبر (اے پی پی) چیئرمین سینیٹ محمد صادق سنجرانی سعودی عرب دورے دے دوران وفد دے رلے مسک فاﺅنڈیشن دا دورہ کیتا ۔ مسک دے سربراہ بدر الدین قاحیل چیئرمین سینیٹ دا استقبال کیتا تے انہاں کوں فاونڈیشن دے کم کار بارے ڈسایا۔ انہاں ڈسایا جو ولی عہد شہزادہ محمد بن سلمان مسک فاونڈیشن دے بانی ہن۔ مسک فاونڈیشن دا مقصد سعودی نینگراں کوں مستقبل دے چیلنج نال نبڑنڑ کیتے تیار کرنڑاں اے ۔خاص طور تے تعلیم ،ثقافت تے میڈیا دے میدان اچ انہان کوں تربیت ڈیونڑ شامل اے ۔ چیئرمین سینیٹ کو ں مسک فاونڈیشن دا تفصیلی دورہ کروایا گیا اتے مختلف سیکشن اچ ماہرین بریفنگ ڈتی ۔ چیئرمین سینیٹ ولی عہد شہزادہ محمد بن سلمان دے وژن 2030 ءدی تعریف کیتی جیں دے تھت نینگراں کوں ترقی یافتہ ملکاں دے معیار دی ٹریننگ ڈتی ویندی پئی اے ۔ چیئرمین سینیٹ دے رلے وفد اچ سینیٹر ز احمد خان ، مرزا محمد آفریدی ،نصیب اللہ بازئی، فدا محمد خان ، محمد طلحہ محمود ، دلاور خان ، خانزادہ خان، غوث محمد نیاز ی اتے ایڈیشنل سیکرٹری سینیٹ حفیظ اللہ شیخ وی شامل ہن ۔
