کراچی۔ 10 دسمبر (اے پی پی) چیف جسٹس آف پاکستان جسٹس میاں ثاقب نثاراج منگل کوں تے کل بدھ کوں سپریم کورٹ کراچی رجسٹری اچ اہم کیس سنڑسن۔ اٹارنی جنرل، ایڈووکیٹ جنرل سندھ سمیت بئیں کوں نوٹس جاری کر ڈتے گن ۔تفصیل دے مطابق چیف جسٹس میاں ثاقب نثار اج منگل 11 دسمبر کو ں سپریم کورٹ کراچی رجسٹری اچ اہم مقدمیں سنڑسن ایں حوالے نال بنچ بنڑا ڈتاگے۔ بینچ اچ چیف جسٹس میاں ثاقب نثار، جسٹس فیصل عرب اتے جسٹس اعجاز الاحسن شامل ہوسن ۔ چیف جسٹس دی سربراہی اچ بینچ سندھ اچ فراہمی تے نکاسی آب دے منصوبیں دی صورتحال متعلق واٹر کمیشن دی سماعت کریسی تے شہر اچ وڈی منزل آلیاں عمارتاں دی تعمیر متعلق آباد دی درخواست دی وی سماعت کریسی ۔ 12 دسمبر کوں چیف جسٹس آف پاکستان تھردی صورت حال دا جائزے کیتے تھر دا دورہ کریسن ۔
