اسلام آباد ۔ 18 دسمبر (اے پی پی) چیف جسٹس آف پاکستان جسٹس میاں ثاقب نثار قونیہ اچ ترکی دے صدر رجب طیب اردوان نال ملین اتے پاکستان اتے ترکی دے عوام وچال گانڈھے دی تعریف کیتی۔ ترک صدر پاکستانی عوام کیتے نیک خواہشات دا اظہار کریندے مولانا روم دے شہر قونیہ اچ چیف جسٹس آف پاکستان دا خیر مقدم کیتا۔ایں دوران چیف جسٹس قونیہ اچ عظیم صوفی بزرگ اتے فلسفی مولانا جلال الدین رومی دے 745ویں ورھینڑے دیاں تقریبات ’شب عروس‘اچ شرکت کیتی اتے او ٹرکش آئینی کورٹ دے صدر پروفیسر ڈاکٹر زوہتو ارسلان نال وی انقرہ اچ ملین۔ انہاں ٹرکش آئینی کورٹ دے صدر نال باہمی علاقائی، عدالتی اتے قانونی امور تے الوائے۔چیف جسٹس ترک ہم منصب کوں پاکستان دے عدالتی سسٹم ، پاکستانی عوام دے بنیادی حقوق دے تحفظ کیتے اقدامات،واٹر منیجمنٹ،آبادی تے کنٹرول، صحت دیاں سہولتاں اتے انون و انصاف دی فراہمی کیتے کوششاں بارے ڈسایا۔پروفیسر ڈاکٹر ارسلان چیف جسٹس آف پاکستان کوں ترک جوڈیشل سسٹم دے کم بارے تفصیل ڈسائی۔فریقین ڈوہاں ملکاںوچال اعلیٰ عدلیہ دے ادارہ جاتی تعاون کوں مضبوط کرنڑ تے اتفاق کیتا۔
