اسلام آباد ۔ 24 دسمبر (اے پی پی)چین دی شنہُوانیوز ایجنسی دے ایشیاءپیسفک ریجن دے ہیڈ سن یونگ ایسوسی ایٹڈ پریس آف پاکستان ہیڈکوارٹردا دورہ کیتے۔ ایں موقع تے انہاں آکھیا جو چین دے بیلٹ اینڈ روڈ پروگرام دے تحت چین پاکستان اقتصادی راہداری (سی پیک )اچ پاکستان کیتے ترقی دے شاندار مواقع ہین اتے میڈیا اچ منصوبے دے ترقیاتی پہلواں کوں دھاونڑ کیتے ڈوہیں ملک نیڑے آ سگدن۔اے انہان دا پہلا دورہ پاکستان اے۔انہاں آکھیا جوشنہُوانیوز ایجنسی اسلام آباد بیوروپورے جگ اچ قومی و بین الاقوامی اہمیت دے امور دی کوریج کرنڑ آلے 25بیورزاچوں ہک اے، شنہُوانیوز ایجنسی اتے پاکستان دی نیوز ایجنسی (ایسوسی ایٹڈ پریس آف پاکستان) وچال خبراں دے تبادلے دے گانڈھے کوں بیا ودھاونڑ دی لوڑھ اے ،ایں سانگے ڈو طرفہ معاہدہ 1964اچ تھیا ہا۔انہاں ڈوہاں ایجنسیاں وچال سی پیک جھیں منصوبیاں ، خبران دے ترجمے،مشترکہ کوریج اتے ڈوہاں ملکاں وچال ویڈیو فوٹیج وندنڑ تے زور ڈتا۔ایگزیکٹو ڈائریکٹر اے پی پی اختر منیر شنہُوانیوز ایجنسی دے ہیڈ آف ایشیاءپیسفک ریجن کوں ڈسایا جو اے پی پی مشترکہ منصوبیاں بارے مشترکہ کوریج دی حکمت عملی کوں بئی وسعت ڈیونڑ بشمول چائنہ ریڈیو انٹر نیشنل اتے چائنہ سینٹرل ٹیلی ویژن نال تعاون کوں تیار اے۔ڈائریکٹر نیوز اے پی پی شفیق قریشی ڈسایا جو اے پی پی دے 9بیورو آفسز ، 7سٹیشنز ، 112 ضلعی و تحصیل نمائندے ہین۔ اے پی پی دے نمائندے نیویارک ، بیجنگ اتے لندن اچ عالمی ،قومی اتے مقامی سطحی دے ایشوز دی وی کوریج کریندن۔ڈائریکٹر انفارمیشن ٹیکنالوجی غواص خان ،ڈائریکٹر ویڈیو نیوز سروس بلال تھیہم اتے بئے افسران وی ایں موقع تے موجود ہن۔
