اسلام آباد ۔ 10 دسمبر (اے پی پی)وزیرخارجہ شاہ محمودقریشی آکھیے جو چین دے نال یاری پاکستان دی خارجہ پالیسی دا اہم ستون اے ،بہترین تے چنگے نتیجے دے حصول کیتے چین پاکستان اقتصادی راہدری (سی پیک) منصوبیں دے معاشرتی اتے اقتصادی پہلوواں تے خصوصی توجہ ڈتی ویسی۔انہاں اے گال سنوارکوں اتھاں چین دے معاون وزیر خارجہ کونگ زوآن یو نال اتھاں وزارت خارجہ اچ ملاقات دے دوران گال مہاڑ کریندے ہوئیں آکھی ۔ملاقات اچ علاقائی سکیورٹی سمیت سانجھی دلچسپی دے امور تے گال بات کیتی گی ،ملاقات اچ خطے کوں درپیش مسلیں دے حل تے ڈو پاسے تعلقات کوں مزید ودھارا ڈیونڑ کیتے سانجھیاں کوششاں کرنڑ تے اتفاق کیتا گیا ۔وزیر خارجہ چین وزرائے خارجہ سطح دے سٹریٹیجک مذاکرات تے اطمینان دا اظہار کیتا۔وزیر خارجہ سی پیک دے تحت”خصوصی اقتصادی زونز“ دی وختی تعمیر تے زور ڈتا ۔ وزیر خارجہ معاون چینی وزیرخارجہ کوںکابل اچ تھیونڑ آلے ڈوجھ سہ رکنی پاکستان ، چین افغانستان مذاکرات اچ اپنڑی شراکت تے ایں حوالے نال پیشرف بارے ڈسایا ۔انہاں آکھیا افغانستان اچ امن و استحکام کیتے چین دیاں کوششاں قابل تحسین ہن ۔
