اسلام آباد ۔ 12 دسمبر (اے پی پی) وفاقی وزیر پٹرولیم غلام سرور خان آکھیے جو کراچی اچ گھریلو کمرشل صارفین تے چھوٹیاں صنعتاں کیتے گیس دی کوئی لوڈشیڈنگ کائنی،سندھ دے سی این جی سٹیشن کوں گیس دی صورت حال بہتر تھیونڑ تے فراہمی شروع کر ڈتی ویسی ۔ بدھ کوں قومی اسمبلی اچ اعتراض دے نکتے تے عبدالقادر پٹیل آکھیا جو سندھ اچ 80 فیصد گیس دی پیداواراے۔ سندھ اچ سارے سی این جی سٹیشن تاحکم ثانی بند کرڈتے گن تے عام صارفین کوں گیس دے حوالے نال اوکھ دا سامنڑاں اے ۔ عبدالقادر پٹیل آکھیا جو سندھ دی گیس بند کرنڑ آئین دے آرٹیکل 258 دی خلاف ورزی اے۔ ایندے جواب اچ وزیر پٹرولیم غلام سرور خان آکھیا جو کراچی اچ گھریلو صارفین‘ کمرشل صارفین اتے بیاں صنعتاں کیتے گیس دی کوئی لوڈشیڈنگ کائنی ۔اکتوبر اچ اساں نوٹس ڈتا ہئی جو تساں متبادل توانائی تے آونجو ۔سندھ دے سی این جی سٹیشن دی صورت حال جیویں بہتر تھی گیس دی فراہمی شروع کر ڈتی ویسی ۔
