گزریل حکومتاں دی ناکام اتے غیر موثر پالیسیاں دی وجہ نال ملک کوں اقتصادی چیلنجاں دا سامنڑاںکرنڑ پوندا پئے وزیر مملکت موسمیاتی تبدیلی زرتاج گل وزیردی نجی ٹی وی چینل نال گالھ بات

اسلام آباد ۔ 9 دسمبر (اے پی پی) وزیر مملکت برائے موسمیاتی تبدیلی زرتاج گل وزیر آکھیے جو پاکستان تحریک انصاف دی حکومت ملک وچوں کرپشن کوں منڈھوں مکاونڑ ، قومی معیشت دی چنگائی اتے ملک و قوم کو ںترقی تے خوشحالی دی راہ تے گامزن کرنڑ سانگے پرعزم ہے۔ ہک نجی ٹی وی چینل نال گالھ بات کریندے ہوئیں انہاں آکھیا جو گزریل حکومتاں دیاںناکام اتے غیر موثر پالیسیاں دی وجہ نال ملک کو ںاقتصادی چیلنجاں دا سامنڑاںکرنڑ پوندا پئے ۔ انہاں آکھیا جو سابقہ حکومتاں اپنڑے اپنڑے دور حکومت اچ قرض گھدے اتے ڈھگ سارے کرپشن سکینڈلز اچ وی ملوث رہے۔ وزیر مملکت دا آکھنڑ ہا جو پاکستان مسلم لیگ (ن) دی گزریل حکومت میٹرو بساں ، اورنج لائن ٹرین سمیت ارباں روپے دے منصوبے منصوبہ بندی کیتے بغیر شروع کیتے جنہاں دی وجہ نال ملکی معیشت کو ںودھ اسار انقصان پجیا۔ انہاں آکھیا جو قومی اسمبلی اچ اپوزیشن لیڈر شہباز شریف اتے سابق صدر آصف علی زرداری کرپشن پاروں کیسز دا سامنڑاں کریندے پن جیرھا جوگزریل دور حکومت اچ درج کیتے گئے۔ انہاںآکھیاجو سابق وفاقی وزیر خزانہ اسحاق ڈار عدالت توں مفرور ہن جیرھے جوبدترین ملکی معیشت دے ذمہ دار ہن۔ زرتاج گل وزیر دا آکھنڑ ہا جو سارے کرپٹ عناصر دے خلاف بلاتفریق احتساب کوں یقینی بنڑایا ویسی ۔ ہک سوال دے جواب اچ انہاں آکھیا جو خیبرپختونخوا حکومت دی چنگیاں اتے کارآمد پالیسیاں، مثبت پروگراماں اتے صوبائی حکومت دی چنگی کارکردگی پاروںپاکستان تحریک انصاف 2018ءدے عام انتخابات اچ اکثریت حاصل کیتی۔