اسلام آباد ۔ 11 دسمبر (اے پی پی) وفاقی وزیر منصوبہ بندی، ترقی و اصلاحات مخدوم خسروبختیار آکھیے جو حکومت دی گوادر بندر گاہ کوں بلیو اکانومی دے اصولاں تے بنیاد تے ترقی پہلی ترجیح اے ،گوادر اچ آئل سٹی دے قیام کیتے سعودی حکومت نال مذاکرات تھیندے پن ۔ منگل کو ںسی پیک سیکرٹریٹ توں جاری بیان دے مطابق وفاقی وزیرآکھیے جو حکومت گوادر اچ تعمیر تے ترقی دے حوالے نال پر عزم اے ،سی پیک دے تحت گوادر اچ بجلی، انفراسٹرکچر دے بہوں سارے منصوبیں دے نال اہم منصوبیں تے کم جاری اے جیں دی تکمیل نال گوادر عالمی شہراں دی فہرست اچ اپنڑاں مقام حاصل کر گھنسی انہاں آکھیا جو گوادراچ آئل ریفائنری دے علاوہ ساحلی علاقے تے ساحلی سیاحت دے نال ماہی گیری اتے سمندری غذا کیتے آبی زراعت دی ترقی کوں ودھارا ڈیونڑاں اے ۔ انہاں آکھیاگوادر ایئر پورٹ دے نال نال گوادر ماسٹر سٹی پلان، ایسٹ بے ایکسپریس وے، گوادر ہسپتال دی اپ گریڈیشن تے منصوبیں تے کم تکھا کر ڈتا گے ۔
