اسلام آباد ۔ 24 دسمبر (اے پی پی) الیکشن کمیشن آف پاکستان (ای سی پی) آکھیے جو 195 پارلیمنٹیرین اپنڑے اثاثیاں دے سالانہ گوشوارے جمع کراڈتن۔سینٹ، قومی اسمبلی اتے چارے صوبائی اسمبلیاں دے 1171 پارلیمنٹیرین اتے 195 اراکین پارلیمنٹ اپنڑے گوشوارے جمع کرائن۔ الیکشن کمیشن آف پاکستان حالی تئیں اپنڑے مالی گوشوارے جمع نہ کراونڑ آلے ارکان پارلیمنٹ کوں خبردار کیتے جو او اپنڑے اثاثے،اپنڑے زیر کفالت لوکاں دے گوشوارے 31 دسمبر 2018ءتک جمع کراڈیون۔ الیکشن کمیشن دے مطابق اراکین پارلیمنٹ الیکشن کمیشن آف پاکستان سیکرٹریٹ اسلام آباد اتے چارے صوبائی الیکشن کمشنرز دے دفتراں توں فارم گھدے ونج سگدن جڈاں جو اے فارم ای سی پی دی ویب سائٹ www.ecp.gov.pk توں وی ڈاﺅن لوڈ کیتے ونج سگدن۔
