23مارچ توں پہلے ڈو وی وی آئی پی ڈو مزدوراں دیاں ریل گاڈیاں چلیسوں ،وفاقی وزیر ریلوے شیخ رشید احمد

APP48-27 LAHORE: December 27 - Federal Minister for Railways Sheikh Rashid Ahmad addressing a press conference at Railway Headquarters. APP photo by Rana Imran

لاہور۔27 دسمبر(اے پی پی )اج ریلوے دی تاریخ دا ساریں توں وڈا ڈینھ اے ۔ چیف جسٹس ثاقب نثار او کم کیتے جیرھا ڈاہ سال توں لڑکیا ہویا ہئی ۔میڈے سمیت ریلوے دے مزدور تے 20کروڑ عوام چیف جسٹس ثاقب نثار صاحب دے مشکور ہن جنہاں رائل پام دے حوالے نال تاریخی فیصلہ ڈتے جیں اچ انہاں آکھیے جو رائل پام دی الاٹمنٹ غلط کیتی گی تے بغیر پولیس ایکشن چیف جسٹس قبضہ گروپ توں رائل پام دا قبضہ ختم کراو ڈتے تے ہنڑ فرگوسن آلے اینداآڈٹ کریسن مختلف کورٹس اچ ارباں روپے دے 123کیس کئی سالاں توں پن جنہاں دی مالیت ارباں اچ ہے ۔اے گال انہاں ریلوے ہیڈ کوارٹر آفس لاہور اچ میڈیا نال گال مہاڑ کریندے ہوئیں آکھی ۔انہاں آکھیا ریلوے دی سرپلس زمین جیرھی کوں ویچ کائناں سگدے ہاسے ،ہاﺅسنگ سوسائٹی کائناں بنڑ سگدی ہئی ۔صرف ترائے سال دی لیز تے میرٹ تے ڈتی ونج سگسی ۔ریلوے اچ سارے کم میرٹ تے تھیسن ۔ وزیر ریلوے شیخ رشید احمدآکھیا جو 23 مارچ توں پہلے 2 وی وی آئی پی اتے 2 مزدوراں دیاں ریل گاڈیاں چلیسوں جیں اچ ڈو ریل گاڈیاں اے سی بزنس تے 2 ٹوٹل اکانومی کلا س دیاں ہوسن ۔ فریٹ ریل گاڈیاں تے گال کریندے ہوئیں انہاں آکھیا اساں قوم نال وعدہ کیتا ہئی جو اساں فریٹ ریل دی تعداد کوں 8توں ودھا تے 15کریسوں لیکن اساں کل کراچی اچ اے فیصلہ کیتے جو فریٹ ریل گاڈیاں دی تعداد کوں 15نہ تے 20تئیں ودھسیوں۔