12 ربیع الا ول تاریخ ِ انسانی داعظیم ترین ڈینھ ہے ،وفاقی وزیر چوہدری محمدبرجیس طاہر

اسلام آباد ۔ 30 نومبر (اے پی پی) وفاقی وزیر اُمور کشمیر و گلگت بلتستان چوہدری محمدبرجیس طاہر آکھیا ہے جو 12 ربیع الا ول تاریخ ِ انسانی اوعظیم ڈینھ ہے جیں ڈینھ نبی کریم دی ایں دنیا اچ تشریف آوری تھی تے آپ دی تشریف آوری نال تاریخ عالم ہک نویں سفر دا آغاز کیتا جیں نال شرف انسانی کو ں اپنڑی حرمت اتے مقام دا درست اندازہ تھیا۔ انہاںآکھیا جو آپ کو ںپوری دُنیا سانگے رحمت الا لعالمین بنڑا تے بھیجا گیا تے آپدی اصلاح دا دائرہ چند رسماں تے اقوام تئیں محدود کائناں ہئی بلکہ آپ دی تعلیمات اتے اسوة حسنہ ساری کائنات اتے زندگی دے ہر پہلو سانگے مشعل راہ ہے ۔ 12 ربیع الاول دے حوالے نال اپنڑے خصوصی بیان اچ خصوصی بیان اچ آکھیا ہے جو وفاقی وزیر آکھیا پاکستان دی بنیاد اسلام تے رکھی گی جیں اچ ختم نبوت قانون کوں بنیادی حیثیت حاصل ہے۔ انہاںآکھیا جو ختم نبوت تے ایمان دے بغیر کوئی شخص دائرہ اسلام اچ داخل نی تھی سگدا ۔انہاں آکھیا جومسلم لیگ(ن) ہک عاشق رسولﷺ سیاسی جماعت ہے اتے سالاں توں ربیع الاول سمیت سارے مذہبی تہواراں تے نبی کریم دی عظمت اتے حرمت بیان کرنڑ اچ پیش پیش ہوندی ہے انہاں علما توں اپیل کیتی جو او قوم کوں ہک مٹھ کرنڑ تے پاکستان کوں مضبوط بنڑاونڑ سانگے کردار ادا کرن ۔انہاںآکھیا جو حکومتی سطح اتے اپنڑی نجی زندگی اچ اساڈی کوشش ہوونڑیں چاہیدی ہے جو اساں ودھ توں ودھ نبی کریم حضرت محمددی سنت کوں اپنڑی زندگی دا شعار بنڑاووںاینویں اساںاپنڑے معاشرے اتے مسلم دُنیا اچ کھنڈی ہوئی عدم برداشت انتہا پسندی اتے نفرت دا مستقل بنیاداں تے خاتمہ کرسگدوں۔