آرمی چیف جنرل قمر جاوید باوجوہ نال کراچی دے وپاری وفد نال ملاقات

راولپنڈی ۔ 11 جنوری (اے پی پی) پاک فوج دے سربراہ جنرل قمر جاوید باجوہ آکھیے جو کراچی دی کاروباری برادری سکیورٹی دی چنگی صورتحال دا فیدہ چیندے ہوئے ملکی معیشت دے استحکام اچ اپنڑا کردار ادا کرے۔ اے گالھ انہاں جمعہ کون دورہ کراچی دے موقعے تے کراچی دی کاروباری برداری دے وفد نال الویندے آکھی۔ پاک فوج دے شعبہ تعلقات عامہ(آئی ایس پی آر)دے مطابق پاک فوج دے سربراہ جنرل قمر جاوید باجوہ آکھیا جو ملک دی مجموعی سکیورٹی خاص کر کراچی اچ سکیورٹی بہوں چنگی تھی گئی اے، کاروباری برادری ملکی ترقی کیتے اہم کردار ادا کیتے، ایں سانگے کاروباری برادری کون چاہیدے جو او امن دی چنگی صورتحال توں فیدہ چاوے ۔ وفد ملک اچ کارروباری سرگرمیاں دے ودھارے کیتے محفوظ ماحول ڈیونڑ سانگے پاک فوج دیاں کوششاں دی تعریف کیتی اتے یقین ڈیوایا جو کاروباری برادری ملک اچ معاشی ترقی اتے استحکام کیتے بھرپور کردار ادا کریسی۔