ای سی ایل اچوں ناں کڈھنڑ، جعلی اکاﺅنٹس بارے سپریم کورٹ دا فیصلہ واضح اے، شہزاد اکبر

اسلام آباد ۔ 17 جنوری (اے پی پی)وزیراعظم دے معاون خصوصی برائے احتساب شہزاد اکبر آکھیے جو ای سی ایل اچوں ناں کڈھنڑاتے جعلی اکاﺅنٹس دی تحقیقات بارے سپریم کورٹ دا فیصلہ واضح اے، کجھ لوک ایکوں اپنڑے سیاسی فیدے کیتے استعمال کریندے پین بھل ایندا انہاں کون کوئی فیدہ نہ ملسی کیوں جو عدالت جے آئی ٹی اتے نیب کوں کم جاری رکھنڑ دی ہدایت کیتی اے،جیکر نیب چاہوے تاں کوئی وی ناں ولا ای سی ایل اچ پوا سگدی اے،کہیں کوں تحقیقات توں استثنیٰ کائنی ڈتا گیا۔انہاں آکھیے جو ای سی ایل اچ شامل 172لوکان دے ناں دا جائزہ گھنڑ کیتے وزارتی کمیٹی بنڑا ڈتی گئی اے جیہڑی سارے ناواں دا جائزہ گھنسی اتے ناں ای سی ایل اچ رکھنڑ یا کڈھنڑ تے غور کریسی، اے جے آئی ٹی دی وی رائے گھنسی جیندے بعد کمیٹی دی سفارش تے کوئی حتمی فیصلہ کیتا ویسی۔