صدر مملکت ڈاکٹر عارف علوی دا سی پی این ای ولوں پاکستان میڈیا کنونشن توں خطاب

اسلام آباد۔ 18 جنوری (اے پی پی) صدر مملکت ڈاکٹر عارف علوی ’ جمہوریت دے تحفظ سانگے ذرائع ابلاغ دی جدوجہد دی تعریف کریندیں ہوئیں آکھیا او میڈیا صحت بارے اتے سماجی مسئلیاں کوں اجاگر کرنڑ اچ اپنڑاں کردار نبھاوے۔انہاں اے گالھ جمعہ کوں کونسل آف پاکستان نیوز پیپرز ایڈیٹرز (سی پی این ای)ولوں پاکستان میڈیا کنونشن نال خطاب کریندیں ہوئیں آکھی۔کنونشن اچ سی پی این ای دے صدر عارف نظامی، جنرل سیکریٹری عبدالجبار خٹک اتے میڈیا دی صنعت نال جڑی شخصیات شرکت کیتی۔صدرمملکت مختلف سماجی مسئلیاں کوں اجاگر کریندیں ہوئیں آکھیا جو پاکستان اچ تقریباً90فیصد تریمتیں اپنڑے وراثتی حق توں محروم ہن ۔انہاں ذرائع ابلاغ تے زور ڈتا جو میڈیا صحت بارے اتے سماجی مسئلیاں کوں اجاگر کرنڑ اچ اپنڑاں کردار نبھاوے۔