صدر مملکت ڈاکٹر عارف علوی دی خیبر پختونخوا سکواش ایسوسی ایشن دے صدر قمر زمان نال ملاقات

اسلام آباد ۔ 22 جنوری (اے پی پی) صدر مملکت ڈاکٹر عارف علوی آکھیے جو صحت مند معاشرے دا ملک دی ترقی اچ اہم کردار ہوندے۔پاکستان مسلسل 37سال سکواش دا چیمپئن رہ گے امید ہے جونینگر کھلاڑی اپنڑیں محنت نال ولا ایں فیلڈ اچ پاکستان دا لوہا منویسن۔ انہاں ایہ گال خیبر پختونخوا سکواش ایسوسی ایشن دے صدر قمر زمان نال گال بات کریندے ہوئیں آکھی، جنہاں منگل کوں صدر مملکت نال ملاقات کیتی۔صدر مملکت آکھیا جو کھیڈاں اتے صحت مند سرگرمیاں دا فروغ کہیں وی معاشرے سانگے بہوں ضروری ہے۔ صحت مند معاشرے دا ملکی ترقی اچ اہم کردار ہوندے، سکواش پاکستان دا مشہورکھیڈ ہے، پاکستان ایندا مسلسل 37سال چیمپئن رہ گے۔ صدر امید ظاہر کیتی جو نینگر کھلاڑی اپنڑیں محنت نال دوبارہ ایںمیدان اچ پاکستان دا لوہا منویسن۔ انہاں آکھیا جو حکومت کھیڈاں اچ بہتری سانگے کوششاں کریندی پئی ہے ۔انہاں آکھیا جو کھلاڑیاں سانگے روزگار دے باوقار موقع فراہم کرنڑ بہوں ضروری اے۔