عوام ساکوں ملک اچ تبدیلی گھن آونڑ کیتے چنڑیے، اسپیکر قومی اسمبلی اسد قیصردی خیبر پختونخواہ دے سینیٹرز، ارکان قومی وصوبائی اسمبلی نال ملاقات اچ گالھ مہاڑ

اسلام آباد ۔ 30 جنوری (اے پی پی) اسپیکر قومی اسمبلی اسد قیصر آکھیے جو عوام ساکوں خدمت کیتے چنر تے اسمبلیاں اچ بھیجئے تاں جو ملک اچ تبدیلی آوے، معاشی ترقی دے نال نال امن و خوشحالی تھیوے۔ اے گالھ انہاں اسلام آباد اچ ملنڑ کیتے آونڑ آلے خیبر پختونخواہ دے سینیٹرز، ارکان قومی وصوبائی اسمبلی نالالویندے آکھی۔ وفد انہاں کوں اپنڑے اپنڑے علاقے اتے عوام دے مسائل ڈسائے اتے انہاں دے حل بارے تجویزاں ڈتیاں۔سپیکر آکھیا جو ملکی ترقی اتے خوشحالی کیتے صوبے اتے ارکان پارلیمنت اپنڑیاں تجویزاں ڈیون تاں جو ہیٹھلی سطح تے حقیقی تبدیلی نظر آوے، لوکاں دا جیونڑ بدلے،چھوتے صوبیاں کوں انہاں دا جائز حق ڈے تے ہی احساسِ محرومی مکایا ونج سگدے۔ انہاں دہشتگردی مکاونڑ کیتے پاک فوج ، عوام اتے ہر طبقے دے کردار دی تعریف کیتی جیندے نال امن آئے اتے اج پاکستان پورے جگ اچ ہک ذمہ داراتے امن دوست ملک دے طور تے جانڑیا ویندا پئے۔ ملاقات اچ وزیرِ برائے مذہبی امور نور الحق قادری،قائد ایوان سینٹ سید شبلی فراز ،وزیر اعلی خیبرپختونخواہ دے معاون خصوصی برائے صنعت عبدالکریم خان،ممبران قومی اسمبلی علی خان جدون،محمد بشیر خان،حیدر علی خان،ملک انورتاج،صاحبزادہ صبغت اللہ، انجینر عثمان خان تراکئی،محمد یعقوب شیخ،محترمہ نفیسہ عنایت اللہ خان خٹک،پرنس محمد نواز الائی،محمد اقبال خان،محتر مہ شاندانہ خان،ظل ہما،سینیٹر ز ایوب آفریدی،اورنگزیب خان،نعمان وزیر خان خٹک،محمد علی خان سیف،حاجی مومن خان آفریدی،ستارہ ایاز،ثمینہ سعید،سید زین اللہ شاہ موجود ہن۔