ملکی تاریخ دے ساریں توں وڈے جعلی اکاونٹس کیس دی تحقیقات شروع کر ڈتن،چیئرمین نیب

لاہور۔23 جنوری(اے پی پی ) چیئرمین نیب جسٹس(ر) جاوید اقبال نیب لاہور بیورو دا دورہ کیتے جتھاں ڈی جی نیب لاہور شہزاد سلیم چیئرمین نیب کوں میگا کرپشن مقدمیاں اچ ہنڑ تئیں دی پیش رفت بارے بریفنگ ڈتی۔چیئرمین نیب آکھیا جونیب ملکی تاریخ دے ساریں توں وڈے جعلی اکاونٹس کیس دی تحقیقات شروع کر ڈتن،نیب دا کہیں سیاسی جماعت نال کوئی تعلق کائنی،نیب آئین و قانون دے مطابق اپنرا کم کریندا پئے،نیب دے تفتیشی افسران بدعنوان عناصردے خلاف قانون دے مطابق اتے ٹھوس شواہد دی بنیادتے تحقیقات توڑ پچاون۔ انہاں آکھیا جوساڈی وابستگی کہیں سیاسی جماعت دی بجائے صرف اتے صرف ریاست پاکستان نال اے،جعلی اکاﺅنٹس کیس دی نیب کوں منتقلی معزز سپریم کورٹ آف پاکستان دے نیب تے اعتماد دی مثال اے،نیب ہر کہیں دی عزت نفس دا خیال رکھیندے ،نیب دی حوالات اچ ملزمان کوں جیل مینول توں ودھ سہولتاں ڈتیاں ویندیاں پین۔انہاں آکھیے جو کیس نقانون دے مطابق بنڑائے،نمٹائے یا مکائے ویسن۔انہاں ڈی جی نیب لاہور شہزاد سلیم دی سر براہی اچ نیب لاہوردی کارکردگی دی تعریف کیتی۔