نیشنل آرکائیوز دا ادارہ بہوں خزانہ رکھیندے ، محققین، طلباءاتے عوام کوں سوکھی رسائی ڈتی ونجے ،صدر مملکت

اسلام آباد ۔ 22 جنوری (اے پی پی) صدر مملکت ڈاکٹر عارف علوی آکھیے جو نیشنل آرکائیوز دا ادارہ بہوں سارا خزانہ رکھیندے جیں تئیں محققین، طلباءاتے عوام کوں سوکھی رسائی ڈتی ونجے ۔انہاں اے گال منگل کوں نیشنل آرکائیوز دے دورے دے موقع تے آکھی ۔ صدر مملکت آکھیا جو ایں ڈیٹا کوں یونیورسٹیاں، تحقیقاتی اتے حکومتی اداریں دے نال رلایا ونجے ۔انہاں ہدایت کیتی جو ڈیجٹلائیزیشن دے عمل کوں وختی توں وختی مکمل کیتا ونجے ۔ صدر مملکت آکھیا جو تاریخی دستاویزات کوں محفوظ کرنڑ دے عمل کوں جدید خطوط تے استوار کیتا ونجے ۔ انہاں ایں امر تے زور ڈتا جو اارے دی موثر تشہیر کیتی ونجے تاں جو عوام اپنڑی ذاتی تاریخی دستاویزارت ایندے حوالے کرن تے انہاں کوں محفوظ کیتا ونج سگے تے او تحقیق اچ مفید ثابت تھیون ۔