وزیراعظم سوئی سدرن اتے سوئی ناردرن گیس کمپنیاں دے سربراہان ہٹاونڑ دا اعلان کیتے،وفاقی وزیر اطلاعات و نشریات چوہدر ی فواد حسین

اسلام آباد ۔ 9 جنوری (اے پی پی) وفاقی وزیر اطلاعات و نشریات چوہدر ی فواد حسین آکھیے جو گیس بحران بارے انکوائری رپورٹ تے وزیراعظم سوئی سدرن اتے سوئی ناردرن گیس کمپنیاں دے سربراہان ہٹاونڑ دا اعلان کیتے۔ اپنڑے ٹویٹ اچ انہاں اکھیا جو اجوکے ڈینہاں اچ لوکاں کوں گیس دے ودھ بحران دا سامنڑا اے جیندے بارے گیس بحران دی ذمہ داری دے تعین کیتے وزیراعظم ہک کمیٹی بنڑائی ہئی۔کمیٹی دی رپورٹ وزیراعظم کوں پیش کیتی گئی تاں انہاں ایندے تے کارروائی کریندے ہوئیں سوئی سدرن اتے سوئی ناردرن دے سربراہان کوں عہدیاں توں ہٹاونڑ دا اعلان کیتے۔