وفاقی وزیر برائے منصوبہ بندی، ترقی و اصلاحات مخدوم خسرو بختیاردی چینی سفیر یاﺅ جنگ نال ملاقات

اسلام آباد ۔ 15 جنوری (اے پی پی)وفاقی وزیر منصوبہ بندی ،ترقی و اصلاحات مخدوم خسرو بختیارنال چین دے سفیر یاو جنگ اسلام اباد اچ ملاقات کیتی جیندے اچ چینی سرمایہ کاراں کوں سہولتاں دیونڑ،زراعت دے شعبہ اچ جائنٹ وینچرز اتے بزنس ٹو بزنس روابط کوں ودھاونڑ سانگے تعاون تے اتفاق کیتا گئے۔ملاقات اچ ڈوطرفہ تعلقات اتے سی پیک دے مختلف منصوبیاں تے پیش رفت دا جائزہ گھدا گیااتے 8 ویں سی پیک جے سی سی دی کامیابی تے اطمینان دا اظہار کیتا گیا۔ڈوہاں ملکاں وچال پاکستانی برآمدات دے ودھارے بارے اقدامات جاری رکھنڑ،صنعتی، سماجی و معاشی اتے زرعی تعاون اتے گوادر ایئر پورٹ دے نال نال بئے سماجی منصوبیاں دے ترائے مہینے اچ سنگ بنیاد رکھنڑ تے اتفاق تھیا۔