وفاقی وزیر ریلوے دی تھل ایکسپریس کوں ہک مہینے دے اندر بحال کرنڑ دی ہدایت

ملتان ۔23جنوری(اے پی پی)ریلوے انتظامیہ’ ملتان توں روالپنڈی تئیں ایئرکنڈیشنڈ ٹرین چلاونڑ دا فیصلہ کیتا اے ٹرین تھل ایکسپریس دی بحالی دے بعد چلائی ویسی۔ذرائع دے مطابق وزیرریلوے شیخ رشید احمدگزریل ڈینھ ملتان اچ ہدایت کیتی ہئی جو تھل ایکسپریس کوں ہک مہینے دے اندر بحال کیتا ونجے ۔ایں دی بحالی دے بعد مہر ایکسپریس کوں راولپنڈی سانگے نائٹ کوچ اچ بدل ڈتا ویسی۔مہر ایکسپریس ملتان توں پنڈی تئیں 13گھنٹے اچ پجدی اے اتے اینکوں نائٹ کوچ اچ بدل ڈتا ویسی اتے ایندی ساری بوگیاں ایئرکنڈیشنڈ ہوسن اتے ہنڑ اے 9گھنٹے اچ راولپنڈی پجسی ۔اے ٹرین ملتان توں روانگی دے بعد مظفرگڑھ کوٹ ،کوٹ ادو،لیہ ،بھکر،کندیاں،میانوالی ،داﺅ دخیل ،جنڈ ،اٹک ،فتح جنگ ،گولڑہ شریف ،بسال سٹاپ توں ہوندیں ہوئیں راولپنڈی پجسی اتے ایں ٹرین دے چھوٹے سٹاپ ختم کر ڈتے گئن ۔