وفاقی وزیر صاحبزادہ محبوب سلطان نال پاکستان اچ چین دے سفیر یاﺅ جنگ دی ملاقات

اسلام آباد ۔ 11 جنوری (اے پی پی) پاکستان اچ چین دے سفیر یاﺅ جنگ آکھیے جو چین پاکستان توں آلو، چیری، اٹے دی درآمدات ودھاونڑ توں علاوہ معیشت دے بئے شعبیاں اچ سرمایہ کاری ودھیسی۔ اے گالھ انہاں وفاقی وزیر نیشنل خوراک صاحبزادہ محبوب سلطان نال ملاقات اچ الویندے آکھی۔ملاقات اچ ڈوطرفہ تجارت اتے زرعی و لائیو سٹاک سودھے معیشت دے مختلف سیکٹرز اچ تعاون تے الوایا گئے۔سفیر آکھیا جو چین دی چینی ہائبرڈ رائس سیڈ دی مانیٹرنگ سانگے پاکستانی ماہرین کوں باضابطہ طور تے سڈیسی تاں جو مقامی سطح تے چاول دی فصل اتے پیداوارودھاونڑ کیتے فیدہ چاتا ونج سگے۔ سفیر آکھیا جو چین عالمی آبادی دے 20 فیصد کیتے خوراک پیدا کرنڑ اتے اپنڑی لوڑھ پوری کرنڑ کیتے وڈے پیمانے تے خوراک درآمدکریندے، چین جنوبی ایشیائی خطہ اچ ہک مضبوط طاقت اے جڈاں جو سی پیک ڈوہاں ملکاں وچال تعاون دے نویں رستے کھول ڈتن۔