وفاقی وزیر صحت عامر محمود کیانی دا جنرل ہسپتال چک شہزاد دا دورہ ،سہولتاں دا جائزہ گھدا

اسلام آباد ۔ 11 جنوری (اے پی پی) وفاقی وزیر صحت عامر محمود کیانی جمعے کوںفیڈرل جنرل ہسپتال چک شہزاد دا اچانک دورہ کیتا تے ہسپتال اچ مریضاں کوںڈتیاں ونجنڑ آلیاں سہولتاں دا جائزہ گھدا ۔ایں موقع تے وزیر صھت مریضاں دے لواحقین نال وی گال مہاڑ کیتی ۔وزیر صحت ایمرجنسی سمیت بئے وارڈ دا معائنہ کیتا تے انتظامیہ کوں ہدایت کیتی جو مریضاں کوں بلاتعطل دوائیں دی فراہمی یقینی بنڑائی ونجے تے ہسپتال اچ صفائی دے نظام کوں مزید بہتر بنڑایا ونجے ۔عامر کیانی انتظامیہ کوں ہدایت کیتی جو مریضاں کوں علاج دیاں سہولتاں دی فراہمی اچ کوئی اوکھ نہ تھیوے ،مریضاں دی خدمت پیرا میڈیکل سٹاف تے ڈاکٹرز دا مقصد ہوونڑاں چاہیدے ۔ایں موقع تے وفاقی وزیر آکھیا جو فیڈرل جنرل ہسپتال چک شہزاد کوں اپ گریڈ کرتے جدیدسہولتاں ڈتیاں ویسن ۔