وفاقی وزیر پٹرولیم غلام سرور خان نال چینی سفیر دی ملاقات، تیل و گیس دے ورکنگ گروپ کو ں فعال کرنڑ تے اتفاق

اسلام آباد ۔ 18 جنوری (اے پی پی) وفاقی وزیر پٹرولیم غلام سرور خان نال چینی سفیر یاو جنگ ملاقات کیتی۔ ملاقات اچ تیل و گیس دے ورکنگ گروپ کوں فعال کرنڑ تے اتفاق کیتا گیا ۔ جمعے کوں پٹرولیم ڈویژن اچ تھیونڑ آلی ملاقات اچ پاکستان اچ چین دے سفیر یاوجنگ وفاقی وزیر پٹرولیم غلام سرور خان کوں یقین ڈیوایا جو او چینی سرمایہ کاراں کوں پاکستان اچ تیل تے گیس دے شعبے اچ سرمایہ کاری سانگے ترغیب ڈیون ۔ وفاقی وزیر پٹرولیم غلام سرور خان ملاقات کوں مثبت اتے خوش آئند قرار ڈیندے ہوئیں رابطے دے جاری رکھنڑ دی ضرورت تے زور ڈیندے ہوئیں آکھیا جو سیک پیک پاک۔چین یاری دی علامت اے ۔