چیئرمین نیب دی صدارت اچ اجلاس، نقلی اکاﺅنٹس کیس اچ سپریم کورٹ دے فیصلے دے حوالے نال کمبائنڈ انوسٹی گیشن ٹیم بنڑاونڑ دا فیصلہ

اسلام آباد ۔ 22 جنوری (اے پی پی) قومی احتساب بیورو (نیب) نقلی اکاﺅنٹس کیس اچ سپریم کورٹ دے فیصلے دے حوالے نال نیب دی کمبائنڈ انوسٹی گیشن ٹیم تشکیل ڈیونڑ دا فیصلہ کیتے ۔ منگل کوں قومی احتساب بیورو دے چئیرمین جسٹس (ر)جاوید اقبال دی زیر صدارت ہک اہم ترین اجلاس نیب ہیڈ کوارٹرز اچ تھیا ۔ اجلاس اچ پراسیکوٹر جنرل نیب ، ڈی جی آپریشنز، ڈی جی راولپنڈی اتے نیب دے بئے سینئر افسراں شرکت کیتی ۔ اجلاس اچ سپریم کورٹ آف پاکستان دے فیک اکاﺅنٹس کیس اچ فیصلے دا بہوں گہرائی نال جائزہ گھدا گیا تے نیب دی کمبائنڈ انوسٹی گیشن ٹیم تشکیل ڈیونڑ دا فیصلہ کیتا گے ۔جیں دی سربراہی عرفان نعیم منگی ، ڈائریکٹر جنرل نیب راولپنڈی کریسن تے ایندی براہ راست نگرانی قومی احتساب بیورو دے چئیرمین جناب جسٹس جاوید اقبال کریسن۔