چیف جسٹس میاں ثاقب نثار 65 سال دی عمر اچ عہدے توں سبکدوش تھی گین

اسلام آباد ۔ 17 جنوری (اے پی پی) چیف جسٹس میاں ثاقب نثار ڈو سال 18ڈینہہ چیف جسٹس آف پاکستان جھیں اہم ترین عہدے تے کم کیتے۔انہاں چھیکڑی ڈینہہ وی بنچ ون اچ اٹھ مقدمیاں دی سماعت کیتی۔چیف جسٹس میاں ثاقب نثار 31 دسمبر 2016کوں عہدے دا حلف چاتا ہا۔ایں دوران انہاں 43 ازخود نوٹسزگھدن اتے کئی نمٹا وی ڈتن۔چیف جسٹس فل کورٹ ریفرنس دے بعد پریس ایسوسی ایشن دی دعوت تے پاس دے دفتروی گین۔ جسٹس عمر عطاءبندیال، جسٹس منظور ملک، جسٹس جسٹس سردار طارق مسعود ،جسٹس اعجاز الاحسن ،جسٹس مظہر عالم میاں خیل وی انہاں دے نال ہن۔پاس ولوں چیف جسٹس کوںگلدستے ڈتے گین۔چیف جسٹس پاس دے ارکان دے کٹھے چاہ پیتی اتے انہاں دا شکریہ ادا کیتے۔ سبکدوش چیف جسٹس آکھیا جو بطورچیف جسٹس میں جیہڑے وی کم کیتن او عوامی مفاد کوں ڈیہدے ہوئے کیتن،کہیں نال اینجھا رویہ نئیں رکھیاجیہڑا خاص ہووے۔ انہاںڈھیر محبتاں تے صحافیاں دا شکریہ ادا کیتے ۔چیف جسٹس پاس ممبران اچ کارکردگی سرٹیفیکیٹ وی ونڈین۔