ہنرمند نینگراں دا ملکی ترقی تے خوشحالی اچ بہوں اہم کردار اے ، صدر مملکت ڈاکٹر عارف علوی

اسلام آباد ۔ 23 جنوری (اے پی پی) صدر مملکت ڈاکٹر عارف علوی آکھیے جو اساکوں اپنڑے نینگراں کوں مستقبل سانگے تیار کرنڑاں ہوسی۔ہنرمند نینگراں دا ملکی ترقی تے خوشحالی اچ انتہائی اہم کردار اے ۔انہاں اے گال بدھ کوں اتھاں الھدی انٹرنیشنل سکول دے زیراہتمام اسلامی سائنسی نمائش دے دورہ دے موقع تے آکھی ۔صدر مملکت طلباءاتے استاداں دی محنت کوں سراہیا ۔انہاں نمائش اچ مختلف پراجیکٹس دا دورہ وی کیتا۔ صدر آکھیا جو مستقبل دے معماراں دیاں کاوشاں چنگیاں ہن، ایں قسم دیاں تقریباں نال طالب علماں دی حوصلہ افزائی تھیندی اے ۔