،صدرمملکت ڈاکٹر عارف علوی دی گورنر ہاﺅس اچ ونٹیج اینڈ کلاسک ہارلے موٹر سائیکلز نمائش دے موقع تے گالھ مہاڑ

کراچی۔ 6 جنوری (اے پی پی) صدرمملکت ڈاکٹر عارف علوی آکھیا جو ایوان صدر اتے گورنرہاوسیز کوں شہریاں سانگے کھولنڑ دے حکومتی اقدام کوں عوام اچ بہوں مقبولیت ملی اے،گورنرسندھ عمران اسماعیل دا کراچی اچ سماجی،ادبی اتے بئی صحت مند سرگرمیاں کوں ودھاونڑ اچ اہم کردار اے۔گورنرہاﺅس توں جاری اعلامیہ دے مطابق اے گالھیں انہاں گورنر ہاﺅس اچ ونٹیج اینڈ کلاسک ہارلے موٹر سائیکلز نمائش دے موقع تے گالھ مہاڑکریندیں ہوئیں آکھی۔صدرمملکت آکھیا جو ساکوں نویں اتے پرانڑے کلچر کوں نال گھن تے ٹرنڑاں پمسی۔ایں موقع تے صحافیاں نال گالھ مہاڑ کریندیں ہوئیں گورنر سندھ عمران اسماعیل آکھیا جو جلدی گورنر ہاﺅس اچ ترائے ڈینھ دا ادبی فیسٹیول کیتا ویسی جئیں اچ تعلیم، ادب, ثقافت، سیمینارز، ورکشاپز، کتاباں دی نمائش سمیت بئی تعمیری سرگرمیاں کیتیاں ویسن۔