اسلام آباد ۔ 8 جنوری (اے پی پی) وزیراعظم دے مشیر برائے موسمیاتی تبدیلی ملک امین اسلم آکھیا جو آئندی شجر کاری مہم اچ 14 کروڑ 26لکھ پودے لاتے ویسن ۔اے گالھیں انہاں منگل کوں موسم بہار 2019 ءدی شجر کاری بارے بین الصوبائی اجلاس توں خطاب کریندیں ہوئیں آکھی۔۔ میٹنگ اچ ایڈیشنل سیکرٹری موسمیاتی تبدیلی بابر حیات تارڑ، آئی یو سی این دے کنٹری ڈائریکٹر محمد اکبر، بلوچستان دے سیکرٹری فارسٹ محمد سعید، سی سی ایف بلوچستان دے عبدالجبار، پی اے سی کامرہ دے ڈائریکٹر ایڈمن ملک ممتاز، سی ڈی اے دے ڈائریکٹر انوائرنمنٹ ارفان نیازی، سندھ دے سیکرٹری جنگلات عبدالرحیم، گلگت بلتستان دے چیئرمین جنگلات خادم عباس، وزارت دفاع دے جوائنٹ سیکرٹری نورین بشیر حصہ گھدا۔
