آندے 24گھنٹے اسلام آباد ،راولپنڈی سمیت ملک دے اتلے علاقیں اچ مینھ ، پہاڑاں تے برف باری دا امکان ، محکمہ موسمیات

اسلام آباد ۔ 4 جنوری (اے پی پی) محکمہ موسمیات دے مطابق آندے 24گھنٹے اچ مالاکنڈ، ہزارہ، راولپنڈی ڈویژن، اسلام آباد، گلگت بلتستان تے کشمیر اچ کہیں کہیں جاہ تے جڈاں جو پشاور، کوہاٹ، مردان، بنوں، ڈی آئی خان، کوئٹہ، ژوب، سرگودھا، فیصل آباد، گوجرانوالہ ڈویژن اچ کجھ جہیں تے مینھ وسنڑ تے پہاڑاں تے برف باری دا امکان اے ۔ملک دیاں بیاں جہیں تے موسم ٹھڈا تے رکھا رہسی ۔جنوبی پنجاب اتے اتلے سندھ اچ سویل تے رات کوں کوہیڑ پوونڑ دا امکان اے ۔ رپورٹ دے مطابق ایں دوران مری، گلیات، مالاکنڈ ڈویژن، گلگت بلتستان اتے کشمیر دے پہاڑی علاقیں اچ برف پوسی۔ محکمہ موسمیات ڈے مطابق گزریل 24گھنٹے اچ ملک دیاں بہوں ساریاں جہیں تے موسم ٹھڈا تے رکھا رہیا تاں جو ہزارہ، مالاکنڈ ڈویژن، گلگت بلتستان اتے کشمیر اچ کجھ جہیں تے مینھ تے پہاڑاں تے برف پئی۔ پنجاب دے میدانی علاقے اتے اتلے سندھ دے علاقے کوہیڑ دی وکیڑ اچ رہیے ۔