اسلام آباد ۔ 31 جنوری (اے پی پی) سینٹ ارکاناں آکھیے جو حکومت معاشی بحالی سانگے اصلاحات دا پیکج ڈتے،برآمدات اچ ودھارا ری فنڈز ادا کرنڑ، سٹاک ایکس چینجاں اتے صنعتی شعبے دی چنگائی دے نال نال ایس ایم ایز دی ترقی تے توجہ ڈتی گی ہے، حکومت اتے اپوزیشن کو ںعام لوکاں دی بھلائی سانگے رل بہہ تے فیصلے کرنڑ چاہیدن ، جڈاں تئیں مہنگائی کوں کنٹرول کائناں کیتا ویسی ، عام بندے دیاں مشکللاں گھٹ کائناں تھیسن ، ماضی دی بجائے ہنڑ اگی تے ڈیکھنر چاہیدے، آونڑ آلے منصوبیں اتے عوام دی فلاح تے بہبود سانگے کیتے گئے اقدامات تے توجہ ڈیونڑ چاہیدی ہے، خام مال دی بجائے ملک اچ تیارتھیونڑ آلیاں مصنوعات کوں برآمد کرنڑ چاہیدے ،ایندے نال ملک کوں فائدہ پجسی ۔ انہاں خیالیں دا اظہار خمیس کوں اتھاں سینٹ اجلاس دوران ضمنی مالیاتی (ڈوجھا ترمیمی) بل 2019ءتے بحث اچ حصہ گھندے ہوئیں کیتے۔ پاکستان پیپلزپارٹی دے سینیٹر رحمن ملک آکھیے جو ایں بجٹ اچ عام بندے کیتے کجھ کائنی ہے، بجٹ روزگار پیدا کرنڑ دا ذریعہ ہوندے، بیروزگاری کوں مکاونڑ پوسی ، عام بندہ سبزی اتے آٹے دی قیمت ڈیکھدے ،انہاں کوں ایندے اچ کوئی ریلیف مل یا نی ملیا۔ انہاں آکھیا جڈاں افراط زر دی شرح ودھسی تاں عوام سانگے مسئلے بنڑسن ، گروتھ ریٹ اچ ودھارا کہیں وی زرعی ملک سانگے مشکل کائنی، بلوچستان اچ زمین بنجر پی ہے، زرعی شعبے کوں سہولتاں ڈیونڑ چاہدن۔ انہاں آکھیا جو معاشی پالیسی تے وی ایوان اچ بحث تھیونڑ چاہیدی ہے، روپے دی قدر اچ گھٹکی نال معیشت تے دباﺅ ودھدے ، اپوزیشن اتے حکومت رل مل تے عام لوکاں دی چنگائی سانگے فیصلے کرنر۔ سینیٹر عتیق شیخ آکھیا جو اساڈی معاشی صورتحال ہک ڈینھ اچ خراب نی تھی بلکہ ایہ کئی عشراں دیاں پالیسیاں دا نتیجہ ہے، اینکوںٹھیک کرنڑ اچ وی ٹائم لگسی، کراچی اچ وزیراعظم نال ملاقات اچ وفاق ایوان ہائے صنعت تے تجارت اتے سٹاک ایکس چینج دے نمائنداں کجھ تجویزاں ڈتیاں ہن ،جنہاں وچوں کجھ تجویزاں تے عمل کرنڑ سانگے اقدامات شروع تھی گن، بئی شئیں وی سامنڑے آوسن۔ انہاں آکھیا جو حکومت معاشی بحالی سانگے اصلاحات دا پیکج ڈتے، سٹاک ایکس چینج صنعتی شعبے دی چنگائی، ایس ایم ایز دی ترقی، برآمدات اچ ودھارا، ری فنڈز ادا کرنڑ اورگا اقدامات اتے برآمد کنندگان کوں سہولتاں فراہم کرنڑ ایندا حصہ ہے، غیر یقینی دی صورتحال انہاں اصلاحات دے نتیجہ اچ مک ویسن اتے معیشت کوں ٹھیک کرنڑ اچ مدد ملسی۔ سینیٹر ثمینہ سعید آکھیا جو خراب معیشت موجودہ حکومت کوں ورثے اچ ملی ہے، حکومت صورتحال کوں ٹھیک بنراونڑ سانگے اقدامات کر یندی پی ہے، زراعت اچ کاشتکاراں سانگے قرضیاں دی سہولتاں ڈتیاں گن، ڈیزل انجن تے ڈتی گی رعایت توں وی کاشتکار فائدے گھن سگدن۔ سینیٹر ڈاکٹر غوث محمد نیازی آکھیا جا جداں تئیں ملک اچ استحکام، سیکورٹی اتے کاروبار یار ماحول نہ ہوئے، سرمایہ کاری نی آندی۔ انہاں آکھیا جو حکومت کوں چاہیدے جوا وہ جدید ٹیکنالوجی ملک اچ گھن و ¿ونڑ سانگے اقدامات کرے تاں جو دوائیاں اتے گاڈیاں سمیت مصنوعات اتھاں تیار تھیونڑ اتے انہاں دیاں قیمتاں اچ گھٹکی وی تھیوے ۔ سینیٹر طاہر بزنجو آکھیے جو حکومت اتے حکومتی جماعت کوں تنقید سننڑن دا حوصلہ پیدا کرنڑ چاہیدے ، عالمی بینک دی رپورٹ مطابق بلوچستان اچ 62 فیصد، سندھ اچ 30، خیبرپختونخوا اچ 15 اتے پنجاب اچ 13 فیصد آبادی خط غربت توں تلے دی زندگی گزار دے پن، مہنگائی اچ ودھارا تھیندا پئے ، جداں تئیں مہنگائی کوں کنٹرول کائناں کیتا ویسی، عام لوکاں دیاں مشکلاں گھٹ کائنان تھیسن۔ سینیٹر بہر مند تنگی آکھیا جو منی بجٹ اچ عوام کوں سہولتاں ڈیونڑ ، بے روزگاری اتے مہنگائی مکاونڑ سانگے اوہ اقدامات نی نظردے پئے جنہاں دی توقع کیتی ویندی پی ہائی، ملکی قرضایں اچ ودھارا تھیندا پئے ، مہنگائی ودھدی پی ہے، حکومت عوام کوںریلیف ڈیونڑ سانگے اقدامات کرے۔ سینیٹر ستارہ ایازآکھیا جو موجودہ حکومت کوں ماضی دا ذکر کرنڑ دی بجائے ہنڑ اگی تے ڈیکھنڑ چاہیدے اتے آندے منصوبیں اتے عوام دی فلاح تے بہبود سانگے کیتے گئے اقدامات تے توجہ ڈیونڑ چاہیدی ہے۔ سینیٹر سیمی ایزدی آکھیا جو اساڈی برآمدات اتے درآمدات اچ ودا فرق ہے اتے اسادا تجارتی خسارہ ودھ گئے ، پی آئی اے دی صورتحال ساریاں دے سامنڑے ہے، موجودہ حکومت اتے موجودہ وزیر ریلوے دے اقدامات دی وجہ نال اساں ریلوے اچ چنگائی دیکھدے پئے ہسے ، غیر ملکی مالیاتی اداریاںولوں جی ڈی پی دی شرح نمو دے حوالے نال جیرھا جو اعداد و شمارڈتے ویندے پن او ہ حقیقت تے مبنی کائنی ہن، پاکستان دی معیشت ترقی کر یندی پی ہے۔ سینیٹر طلحہ محمود آکھیا جو اقتصادی اصلاحات پیکج اچ کاروباری شعبے اتے صنعتاں سانگے چنگے اقدامات تجویز کیتے گن۔ انہاں آکھیا جو خام مال دی بجائے ملک اچ تیار مصنوعات کوں برآمد کرنڑ چاہیدے ایندی مدد نال ملک کوں فائدہ پجسی، مہنگائی ودھدی پی ہے ، روپے دی قدر اچ گھٹکی نال برآمدات کائناں ودھسن، برآمدات ودھاونڑ دے بئے ڈھگ سارے طریقے ہن۔
