اسلام آباد، راولپنڈی سمیت اتلے پنجاب اچ موسم جُھڑ آلا رہسی کجھ جہیں تے ہلکا مینھ وسنڑ دا امکان اے ، محکمہ موسمیات

اسلام آباد ۔ 16 جنوری (اے پی پی) محکمہ موسمیات دے مطابق آندے 24 گھنٹے اچ اسلام آباد، راولپنڈی سمیت اتلے پنجاب اچ موسم ٹھڈا تے آسمان تے جھڑ رہسی ایندے علاوہ کجھ جہیں تے ہلکا مینھ وسسی۔جڈاں جو مالاکنڈ، ہزارہ ڈویژن، گلگت بلتستان اتے کشمیر اچ کجھ جہیں تے کنڑ منڑ تھیسی تے پہاڑاں تے برف پوونڑ دا امکان اے ۔ملک دے بئے علاقیں اچ موسم ٹھڈا تے رکھا رہنڑ دا امکان اے ۔گزریل 24گھنٹے اچ اسلام آباد، راولپنڈی سمیت اتلے پنجاب تے خیبر پختونخوا اچ موسم ٹھڈا تے رکھا رہیا جڈاں جو ملک دے بئے علاقیں اچ موسم ودھ سارا ٹھڈا رہیا ۔گزریل ڈینھ ریکارڈ کیتے گے درجہ حرارت دی رپورٹ دے مطابق استور، سکردو اچ منفی14، بگروٹ اچ منفی13، کالام اچ منفی12، گوپس اچ منفی9، ہنزہ، مالم جبہ اچ منفی7، راولاکوٹ اچ منفی6، دیر اچ منفی5، دروش، گلگت، کوئٹہ، پاراچنار اچ منفی4 اتے مظفرآباد، میرکھانی اچ منفی1سینٹی گریڈ ریکارڈ کیتا گیا۔