اسلام آباد ہائی کورٹ العزیزیہ ریفرنس اچ طبی بنیادیں تے نواز شریف دی ضمانت دی درخواست سماعت سانگے مقرر کرڈتی

اسلام آباد ۔ 26 جنوری (اے پی پی) اسلام آباد ہائی کورٹ العزیزیہ ریفرنس اچ طبی بنیادیں تے سابق وزیراعظم نواز شریف دی ضمانت دی درخواست سماعت سانگے مقرر کرڈتی ہے۔ جسٹس عامرفاروق اتے جسٹس محسن اخترکیانی تے مشتمل اسلام آباد ہائی کورٹ دا ڈویژن بنچ 28 جنوری کوں درخواست تے سماعت کریسی۔ سابق وزیراعظم نواز شریف اپنڑے وکیل خواجہ حارث دی مدد نال العزیزیہ ریفرنس اچ ضمانت سانگے اسلام آباد ہائی کورٹ اچ متفرق درخواست دائر کرائی ہائی۔نوازشریف درخواست اچ موقف اختیار کیتے جو انہاں کوں دل دی بیماری ہے، این سانگے طبی بنیادیں تے ضمانت منظور کیتی ونجے۔ جیندے تے چیئرمین نیب ،جج احتساب عدالت اتے سپرنٹنڈنٹ کوٹ لکھپت جیل لہور کوں فریق بنڑایا گیا ہا۔واضح رہوے جو نواز شریف کوں العزیزیہ ریفرنس اچ 7 سال دی سزا سنرائی گی ہے، سزا دے خلاف انہاں اسلام آباد ہائی کورٹ نال رجوع وی کیتا ہوئے اتے ا وہ ایں ویلھا لہور دی کوٹ لکھپت جیل اچ ہن۔ گزریل ہفتے انہاں دا لہور اچ تفصیلی معائنہ وی کیتاگیا ہا۔پٹیشن اچ مزید آکھیا گئے جو نوازشریف پہلے توں ہی اسلام آباد ہائی کورٹ اچ اپیل دائر کیتی ہے جیندے اچ العزیزیہ سٹیل ملز کیس اچ عدالتی فیصلے کوں چیلنج کیتا گئے ۔انہاں بنچ توں استدعا کیتی ہے جو انہاں دی اپیل تے حتمی فیصلے تئیں قید دی سزا کوں معطل کیتا ونجے۔پٹیشنر اپنڑیں اپیل اچ قومی احتساب بیورو(نیب)،احتساب کورٹ اتے سپرنڈنڈنٹ کوٹ لکھپت جیل لہور کوں فریق نامزد کیتے۔