اسلام آباد ۔ 14 جنوری(اے پی پی)وزیراعظم دے معاون خصوصی سمندر پار پاکستانیز ذوالفقار عباس بخاری آکھیے جو افغان راہداری تجارت ہنڈی دا ہک بہوں وڈا ذریعہ اے ،اینکوں روکنڑ سانگے اعلیٰ حکومتی سطح تے افغان حکام نال اے معاملہ چاتا ویسی ۔انہاں اے گال سنوار کوں” اے پی پی “نال گال مہاڑ کریندے ہوئیں آکھی ۔ معاون خصوصی ذوالفقار عباس بخاری ڈسایا جو ہنڈی ہک وڈا مسئلہ اے تے ایں حوالے نال وزیر اعظم عمران خان مسلسل میٹنگز کریندے پن ، ہنڈی کوں روکیے بغیر ملک دی معیشت کوں فائدہ نی تھی سگدا ۔انہاں آکھیا افغان ٹرانزٹ ٹریڈ ہنڈی دا بہوں وڈا ذریعہ اے ۔جڈاں تئیں ایندے تے کنٹرول کائنی تھیندا اساکوں مشکلات رہسی ۔
