اسلام آباد ۔ 16 جنوری (اے پی پی)الیکشن کمیشن اثاثہ جات دے گوشوارے جمع نہ کراونڑ تے 72 اراکین قومی اسمبلی ، 20 سینیٹرزسودھے 332 اراکین کوں کم توں روک ڈتے۔ الیکشن کمیشن دے مطابق قومی اسمبلی دے جیہڑے اراکین کوں کم توں روکیا گئے انہاں اچ وزراءشہریار آفریدی، علی امین گنڈاپور، عامر محمود کیانی، چوہدری فواد حسین، چوہدری محبوب سلطان، چوہدری طارق بشیر چیمہ، اپوزیشن دے سینئر رکن احسن اقبال سودھے 72 اراکین قومی اسمبلی شامل ہین۔ خیبرپختونخوا اسمبلی دے وزراءسودھے 54 اراکین کوں گوشوارے جمع نہ کراونڑ تے کم توں روکیے۔ سینیٹ دے 20 اراکین، پنجاب اسمبلی دے 115 اراکین ،بلوچستان اسمبلی دے 19، سندھ اسمبلی دے 52 اراکین کوں گوشوارے جمع نہ کراونڑ تے کم توں روک ڈتا گئے۔ انتخابی قانون 2017ءاتے انتخابی قواعد 2017ءدیاں شقاں دے تحت 31 دسمبر تئیں اراکین پارلیمنٹ و صوبائی اسمبلیاں کوں اپنڑے اتے اپنڑے زیر کفالت افراددے اثاثہ جات دے گوشوارے جمع کراونڑ لازمی ہوندن اتے 16 جنوری توں بعد اراکین کوں اثاثے جمع کراونڑ تئیں کم توں روک ڈتا ویندے۔
